„ლადოა უპრინციპო და პრინციპიანი ვინ ჰყავთ?! თუ ბატონი ლადო კახაძე ასეთი უპრინციპოა და მთაწმინდელების მხარდაჭერა არ აქვს, მაშინ 41% რატომ აიღო არჩევნებზე?!“,- ასე უპასუხა დედაქალაქის მერმა, კახა კალაძემ შეკითხვას, რომელიც ოპოზიციის მიერ, მთაწმინდის ოლქში „ქართული ოცნების“ მაჟორიტარობის კანდიდატის, ლადო კახაძის „უპრინციპოდ“ შეფასებას შეეხებოდა.

კალაძის თქმით, ოპოზიციის მგავსი განცხადებები სამარცხვინოა.

„სამარცხვინოა ეს განცხადებები. მე არ მომისმენია, თუმცა, ამას არანაირი მნიშვნელობა არ აქვს. ლადო კახაძე მეორე ტურში გაიმარჯვებს. სამწუხაროდ, აქტივობა იყო დაბალი, დაახლოებით 15 000 ამომრჩეველი იყო მოსული და თუ ბატონი ლადო კახაძე ასეთი უპრინციპოა და მთაწმინდელების მხარდაჭერა არ აქვს, მაშინ 41% რატომ აიღო არჩევნებზე და რატომ არის პირველ ადგილზე?! შესაბამისად, მეორე ტურში ყველაფერს გაეცემა პასუხი და ლადო კახაძე დაიცავს მთაწმინდელების ინტერესს პარლამენტში“,- განაცხადა კალაძემ.