საქართველოს საგარეო საქმეთა მინისტრი აზერბაიჯანს რესპუბლიკის დღეს ულოცავს. დავით ზალკალიანის „Twitter“-ის ოფიციალურ გვერდზე გავრცელებულ განცხადებაში ნათქვამია, რომ აზერბაიჯანი საქართველოს სტრატეგიული პარტნიორია.

„გულითადად ვულოცავთ ჩვენს სტრატეგიულ პარტნიორს და მეგობარ აზერბაიჯანს რესპუბლიკის დღეს, ვუსურვებთ ჩვენს მოძმე აზერბაიჯანელ ხალხს კეთილდღეობას და მშვიდობას“,- ნათქვამია საქართველოს საგარეო საქმეთა მინისტრის განცხადებაში.